Një tjetër lojtar i ri dhe me kualitet do të lërë Skënderbeun dhe do të kalojë në një klub të madh europian, konkretisht në Belgjikë, ashtu si Peter Olayinka. Liridon Latifi do të transferohet te Bryzhi, me shumë mundësi, në janar. Burime pranë klubit korçar bëjnë me dije se transferimi i mesfushorit kosovar në Belgjikë është plotësisht i mundshëm. Në fakt, drejtuesit korçarë e kanë pranuar edhe më parë se Latifi është kandidat kryesor për të kaluar në një klub europian, ku Bryzhi ishte ndër të parët në listë për ta marrë futbollistin e Kombëtares U-21. Kushtet po piqen dhe në janar ai do të ndërrojë ekip. Klubi belg ka bërë gati listën e lojtarëve që do të largohen dhe atyre që do të afrohen, ku figuron edhe talenti i Skënderbeut. Edhe merkatoja e korçarëve me afrimin e shumë lojtarëve mesfushorë apo sulmues duket se i paraprin këtij transferimi.
Lexo gjithashtu
