Në kampin verilindor ende nuk ka qetësi edhe pse ditën e djeshme, pas humbjes ndaj Lushnjes, presindenti i klubit, Safet Gjici ka rikonfirmuar në krye të pankinës trajnerin Mladen Milinkoviç.
Menjëherë në skenë dolën emrat e mundshëm për postin e trajnerit te Kukësi, në rast se largohet trajneri serb nga kampi verilindor. Mes kandidatëve të mundshëm, u përfol se ishte dhe trajneri Elvis Plori.
I kontraktuar nga Newsport.al, lidhur me këtë gjë, Plori ka thënë se, do të ishte privilegj të drejtonte ekipin kampin, duke shtuar më tej se, Kukësi në përbërje ka futbollistë cilësore, por problemi sipas tij është ngërçi psikologjik.
"Milinkoviç është në punë dhe unë e respektoj shumë si trajner dhe si koleg, por në përgjigje të pyetjes tuaj mund të them se, do ishte privilegj të drejtoja ekipin kampion të shqipërisë dhe jam i bindur se aty ka ngerç psikologjik dhe se ka sportistë shumë të mirë në përbërje", është shprehur Elvis Plori për Newsport.al.
Lexo gjithashtu
