Pasi ka mbyllur aventurën në Ukrainë, Realdo Fili është shndërruar në okazion për merkaton e klubeve shqiptare në periudhën e transferimeve të janarit. Burime të besueshme për Newsport tregojnë se në drejtim të sulmuesit 26-vjeçar ka interesim konkret nga Shkëndija e Tetovës dhe Partizani.
Të kuqtë, me largimin e Cvetanovskit po shohin mundësinë e rikthimit të Filit për sulmin. Disa vite më parë fieraku shkëlqente me Partizanin duke shënuar gola të rëndësishëm. Të njëjtat burime tregojnë se emrin e Filit e ka në tryezë edhe stafi teknik i Shkëndijës së Tetovës që mësohet se ka interes për ta afruar në skuadër.
Mbetet për t’u parë se cila nga dy ekipet shqiptare do të arrijë të bindë futbollistin që luan në të tre pozicionet e sulmit. /Retin TOKA/
Lexo gjithashtu
