Ekskluzive/ Partizani i kërkon 1 mln euro RNK Splitit për Bardhin

Klubi kroat i RNK Splitit, që sapo ka nënshkruar me Elis Bakajn, ka pasur interes edhe për lojtarin e talentuar të Partizanit, Jurgen Bardhin, por është përballur me një shifër shumë të lartë të kërkuar nga klubi i kuq për shërbimet e “xhevahirit” të vet, plot 1 milion euro.  Kuptohet që është një shifër e çmendur dhe klubi nga Kroacia është tërhequr. Mbetet për t’u parë, nëse drejtuesit e Partizanit do të ulen në “pazar” për të vazhduar negociatat, por tani për tani kjo çështje mund të quhet e mbyllur për shkak të shifrës së lartë të kërkuar nga të kuqtë. Bardhi, pjesë e kombëtares U-21, është një nga talentet që ka tërhequr vëmendjen e klubeve të huaja dhe transferimi i tij jashtë vendit duket vetëm çështje kohe.