Kukësi këtë sezon është shumë larg pritshmërive, me verilindorët që nuk po gjejnë dot rrugën drejt rezultateve pozitive në kampionat. Stavri Nica ia doli dot të kthejë ekipin në “shinat” e duhura dhe për këtë është “mbushur kupa”.
Nica ka braktisur për të dytën herë verilindorët, teksa pas humbjes me Dinamon ka vendosur të largohet nga Kukësi. Burime për “Newsport.al” bëjnë me dije se skuadra ka zhvilluar ditën e sotme stërvitjen pa 69-të vjeçarin.
Seancën stërvitore e ka drejtuar ndihmësi i Nicës, Oltion Kërnaja, i cili duket se ka marrë mbi super përgjegjësinë e skuadrës në këtë moment delikat. Drejtuesit tashmë po punojnë për të zgjidhur këtë situatë, teksa pritet në ditët në vijim për të mësuar se kush do të marrë sërish në dorë “frenat” e kuksianëve.
Kujtojmë se aktualisht Kukësi ndodhet në vendin e 9-të në tabelën e klasifikimit me 19 pikë të grumbulluara pas 21 ndeshjesh. Prej 11 javësh verilindorët nuk e njohin shijen e fitores në Superiore, duke bërë që skuadra të rrezikojë rënien në Kategorinë e Parë.
Lexo gjithashtu
