E pabesueshme, por e vërtetë! Luftëtari është pranë akordit me ish-lojtarin e Kukësit, Rustem Hoxhën. Burime pranë klubit gjirokastrit bëjnë me dije për newsport.al që qendërmbrojtësi mund t’i bashkohet “bluzinjve”. Ai është në bisedime me drejtuesit e Luftëtarit dhe brenda këtyre ditëve do të vendoset përfundimisht për të ardhmen e tij.
Merkato për skuadrat e para është mbyllur në datën 31 gusht, megjithatë ai fillimisht mund të transferohet në ekipin B dhe sipas rregullores është i detyruar të luajë vetëm një ndeshje me atë skuadër, në mënyrë që të kalojë më pas në ekipin e Kostiç. Pritet me interes të shihet se si do të mbyllet kjo tratativë.
Kujtojmë që edicionin e shkuar, Hoxha ishte titullar me skuadrën e Kukësit. Megjithatë me trajnerin Armando Cungu, ai doli jashtë planeve të klubit verilindor. 27-vjeçari e ka provuar edhe më parë një aventurë në Gjirokastër, teksa ishte pjesë e tyre në sezonin 2012-2013. Një rikthim te Luftëtari, do ta ndihmonte ndjeshëm ekipin “bluzi” në fazën defensive. /Newsport.al/
Loading ...
