Mentor Mazrekaj u largua nga Laçi. Fantazisti i dha fund aventurës me kurbinasit duke lënë të hapura mundësitë në këtë sesion merkato të verës. Burime të besueshme bëjnë me dije për Newsport.al që mesfushori është pranë kalimit në Vlorë. “Menqa” e njeh mirë kampionatin shqiptar dhe një transferim i tij te Flamurtari, padyshim që do të ishte luks për trajnerin Emiliano Çela në linjën e majtë të sulmit.
Pritet të shihet se çdo të ndodhë, ndërsa te kuqezinjtë janë të bindur se në sezonin e ri do të jenë kandidatë potencialë për të arritur Superioren. Projekti i ri ka nisur me emërimin e trajnerit Emiliano Çela. Ndërkohë interesi është i madh për të mësuar se kush do të jenë përforcimet e merkatos së verës.
Mazrekaj është pranë firmës në Vlorë, mirëpo vetëm në vazhdim do ta mësojmë përfundimisht këtë fakt. Shpesh herë merkato e verës ka treguar se negociatat dështojnë në “grahmin” e fundit duke bërë që gjithçka të bëhet “prapa-kthehu”. Pas Zogajt, Mazrekaj mund t’i shtohet “flotës” vlonjate për edicionin e ri futbollistik. /Newsport.al/
Lexo gjithashtu
