Dje Kukësi ka bërë zyrtar divorcin e parakohshëm me sulmuesin Kufre Ebong, lojtar i cili u afrua në merkaton e janarit. Në emailin e redaksisë ka mbërritur sot një sqarim nga menaxheri i lojtarit i cili sqaron mashtrimin që i kanë bërë lojtarit të tij.
Akuzat janë drejt klubit të Kukësit që sipas tij nuk ka përmbushur detyrimet për ti dhënë lojtarit 5 mijë eurot paradhënie si dhe për mashtrimin që i është bërë me manipulimin e biletës. Frederick Akpaidem ka shkuar edhe më larg duke i drejtuar akuzat e tij tek menaxheri i klubit “Naim Halili”.
“Emri im është Frederick Akpaidem dhe jam menaxher i drejtpërdrejtë i Kufre Ebong. Z. Causo Seidi është partneri im lidhur me lojtarin Kufre për të shkuar në FK Kukësit. Nëse doni të dini të vërtetën, mund t’ju bëj me dije se Z. Naim po e manipulon atë në dëm të lojtarit. Ata kanë falsifikuar një letër për të sjellë atje Kufren dhe nuk kanë paguar 5 mijë dollarë të premtuara. Naimi ka manipuluar biletat e Kufres për të patur më pas mundësinë që ta ndëshkoj atë me 1 mijë dollarë dhe ta përdori. Unë jam i gatshëm t’ju tregoj më shumë nga kjo çështje që do shkoj në gjyq”, ka shkruar për newsport.al përfaqësuesi i sulmuesit Cufre Ebong.
Loading ...
