Gjyqtarët shqiptarë vlerësohen maksimalisht. Vitet e fundit, UEFA i ka dhënë një “dorë të madhe” arbitrave tanë. Së fundmi, disa nga ata janë caktuar për gjykuar në Kupat e Europës.
Newsport.al ka mësuar se javën e ardhshme, pikërisht në ndeshjen finale të parakualifikuesve mes Engordani dhe Zetës do të arbitrojë Juxhin Xhaja. Kryeqytetasi do të asistohet nga Denis Rexha dhe Fatmir Lamaj. Ndërsa i katërt do të jetë Klajdi Kola. Kjo sfidë do të luhet të martën e 18 gushtit në orën 20:00.
Ndërsa të enjten e 27 gushtit, bëhet me dije që lezhiani Eldorian Hamiti është “graduar” të vendosë drejtësi në stadiumin Ventspils. Arbitri më i mirë i këtij sezoni të Superiores do të asistohet nga Nertil Bregasi dhe Emigers Gançi, ndërsa i katërt do të jetë Kridens Meta në ndeshje mes Ventspils dhe Dinamo-Auto, e vlefshme për fazën e parë kualifikuese të Europa League. Ky takim do të luhet në 27 gusht, në orën 16:00. /Retin TOKA/
Loading ...
