Ekskluzive/ Ikën Mici te Skënderbeu, ja kush e zëvendëson te Kukësi

Gledi Mici mund të konsiderohet lojtar i Skënderbeut. Burime për newsport.al bëjnë me dijë që tashmë anësori i mbrojtjes do t’i bashkohet kampionëve të Shqipërisë, pasi bardhekuqtë kanë paguar për kartonin e tij. Gjithashtu po të njëjtat burime bëjnë me dije që drejtuesit verilindorë kanë arritur një marrëveshje me ish-mbrojtësin e Partizanit, Marko Vidoviç, që u afrua tek të kuqtë në merkaton verore të sezonit të kaluar.
Mes serbit dhe drejtuesve verilindorë është arritur një akord dhe në orët në vazhdim pritet zyrtarizimi i tij në kampin kuksian.

Vidoviç ka një karrierë të pasur futbollistike, pasi ka luajtur më herët me Hajduk Belgrade, Budućnost Podgorica, Anorthosis Famagusta, Levski Sofia, Budapest Honvéd, Spartak Subotica, Tiraspol,Budapest Honvéd.

Për këtë sezon të ri futbollistik, 28-vjeçari ka zgjedhur të vazhdojë aventurën e tij me fituesin e Kupës së Shqipërisë, Kukësin.