Juxhin Xhaja ishte caktuar për të vendosur drejtësi sot në ndeshjen Kastrioti - Bylis. Burime të besueshme bëjnë me dije për Neësport.al që gjyqtarit me stemën e FIFA-s i ishte besuar kjo sfidë e rëndësishme e javës së 28-të të Superiores. Por, ishte Federata Shqiptare e Futbollit që bëri me dije se kjo ndeshje është anuluar pasi arbitrat ndihen në rrezik.
Gjate ndeshjes Kastrioti - Laçi është anuluar goli i kurbinasve pas kërcënimit me jetë të gjyqtarëve. Të gjendur në këto kushte, është vendosur që përballja e sotme e Kamzës të shtyhet deri ne zbardhjen e plotë të ngjarjes.
Në një moment kur s'mund të flitet më futboll dhe jeta e njeriut merr kuptimin thelbësor, ky sport del plotësisht në plan të dytë. Përballë presionit të vazhdueshëm, askush, qoftë ose jo me stemë FIFA, është në pamundësi objektive për të dhënë kontributin e vet duke arbitruar një ndeshje të Kategorisë Superiore.
Lexo gjithashtu
