Pas shitjes së Isgandarli te Boluspor në Turqi, Paulauskas është i "shënjestruari" i radhës nga ekipi i Egnatias. Newsport.al mëson se për shtatlartin e sulmit nuk ka pak, por plot 5 oferta në tavolinë.
Destinacioni përfundimtar me shumë gjasa do të jetë Polonia. Newsport.al nuk përjashton mundësinë e transferimit në një shtet tjetër, teksa një prej ofertave ka mbërritur nga Italia.
24-vjeçari u afrua 1 vit më parë, ndërsa spikati me paraqitjet e tij gjatë kësaj kohe. Paulauskas shënoi 4 herë dhe asistoi 1 tjetër. Lojtarët e Egnatias janë në qendër të vëmendjes, pasi e mbyllën si kampion dimri pjesën e parë të sezonit.
Ndërkohë kujtojmë se Egnatia ka afruar Jurguens Montenegron. Kartoni i sulmuesit u ble për 150 mijë euro. Rrogozhinasit fituan Kupën e Shqipërisë sezonin e shkuar dhe sivjet synojnë titullin kampion.
Lexo gjithashtu
