Ermal Krasniqi ndërron ekip, por jo kampionat. Ish-sulmuesi i Ballkanit që së fundmi ishte pjesë e Cluj në Rumani, është transferuar tek ekipi i Rapidit të Bukureshtit. Një tjetër transferim i bujshëm nga një lojtar i dalë nga “duart” e Ilir Dajës.
Lajmin për transferimin e 25-vjeçarit e ka bërë vetë klubi i Rapidit me anë të një postimi në faqen zyrtare ku shkruan.
“Ermali është Rapidisti!”
“Newsport.al”, gjithashtu ka mësuar edhe detajet e këtij transferimi. Nga ky "operacion", Ballkani do të mbushë arkat, pasi ekipi nga Suhareka do të përfitojë 15% të shumës që Rapidi ka paguar tek Cluj. Rapidi ka paguar 1 milionë euro, plus 200 mijë të tjera bonuse. Pra 1.2 milionë euro të paguara për kartonin e Krasniqit. Në krahun tjetër në Suharekë do të shkojnë plot 150 mijë euro.
Kujtojmë që tek Rapidi, Krasniqi do të gjejë edhe dy shqiptarë të tjerë, Florent Hasanin dhe Albion Rrahmanin.
Lexo gjithashtu
