Sot, do të luhen dy ndeshjet e kthimit të gjysmëfinales së Kupës së Shqipërisë. Tirana pret Bylisin në "Selman Stërmasi", ndërsa Teuta përballet me Kukësin në "Niko Dovana".
Për këto dy takime, Sektori i Arbitrimit pranë Federatës Shqiptare të Futbollit ka përzgjedhur gjyqtarët. Newsport.al mëson se në sfidën e kryeqytetit do të gjykojë Klajdi Kola, ndërsa në ndeshjen e Durrësit do të jetë arbitër Kreshnik Bajramaj.
Kujtojmë që në ndeshjen e parë Tirana u mposht me rezultatin 2-1 nga mallakastriotët, ndërsa sot sfida e sotme është vendosur të luhet në orën 17:30. Ndërkohë barazimi 0-0 i takimit të parë ka lënë gjithçka të hapur për Teutën e Kukësin që përballin forcat në orën 20:45 në "Niko Dovana".
Poll
Lexo gjithashtu
