Sot do të zhvillohen dy ndeshjet e fundit të fazës së 1/8-ve për Kupën e Shqipërisë. Sektori i Gjykimit pranë Federatës Shqiptare të Futbollit ka zgjedhur "bilbilat" që do të vendosin drejtësi në sfidat Vllaznia - Bylis dhe Teuta - Erzeni. Newsport.al ka mësuar se në "Loro Boriçi", arbitër kryesor do të jetë Daniel Vrapi me asistentë Denis Rexha dhe Mario Shazivari. Ndërsa në stadiumin "Niko Dovana" do të vendosë drejtësi Kreshnik Barjamaj, i asistuar nga Nertil Bregasi dhe Dojando Myftari. Ndeshja e parë mes Vllaznisë dhe Bylisit ka përfunduar me rezultatin 2-0 për shkodranët, kurse takimi Teuta - Erzeni është ndarë në shifrat 1-1.

VLLAZNIA - BYLIS (Ora 13:00) Arbitër kryesor: Daniel Vrapi (Tiranë) Asistent 1: Denis Rexha (Tiranë) Asistent 2: Mario Shazivari (Tiranë) Arbitër 4: Orlando Kuka (Tiranë)

TEUTA - ERZENI (Ora 16:00) Arbitër kryesor: Kreshnik Barjamaj (Tiranë) Asistent 1: Nertil Bregasi (Tiranë) Asistent 2: Dojando Myftari (Tiranë) Arbitër 4: Olsion Yzeiraj (Patos)