Egnatia është në një krizë rezultatesh. Rrogozhinasit prej 5 javësh nuk e njohin fitoren në kampionat, duke humbur kështu terren nga skuadrat e kreut.
Largimi i Shpëtim Duros nuk po jep efekt përsëri, teksa edhe pse tashmë të drejtuar nga Edlir Tetova kanë bërë paraqitje pozitive, rezultatet mungojnë.
Vetëm 3 barazime në 5 ndeshje, situatë është “kaotike” dhe në Rrogozhinë shpesojnë që kthesa të vijë që në duelin me Laçin. Sfida me kurbinasit do të luhet ditën e shtunë duke nisur që nga ora 13:00 në transfertë.
Një situatë të tillë Egnatia e ka pasur nga java e 5-të deri në të 8-tën, kur rrogozhinasit morën 3 barazime dhe një humbje. Këtë herë kriza thellohet.
