Egnatia do të sfidojë Tiranën në kuadër të javës së 20-të të Abissnet Superiore, takim që do të luhet ditën e nesërme në orën 113:00 në “Egnatia Arena”.
Rrogozhinasit prej 4 javësh nuk njohin fitoren dhe ndaj kampionëve synojnë të bëjnë kthesën në kampionat. Ky takim për të besuarit e Edlir Tetovës shikohet si “jetë a vdekje” për renditjen e tyre.
Pikërisht tekniku për fatin e tij të mirë do të ketë në diskpozicion grupin e plotë të lojtarëve. Kjo do të thotë se Tetova do të ketë “luksin” e zgjedhjeve të më të mirëve për të hedhur në fushën e lojës.
Asnjë lojtarë nuk është i dëmtuar apo i pezulluar me kartonë, kështu që rrogozhinasit do të jenë “all-in” ndaj kryeqytetasve. Kujtojmë se aktualisht renditen në vendin e 5-të me 27 pikë, pas 19 javësh.
