Ermal Meta është një nga lojtarët e grumbulluar nga Kombëtarja U-19 për miqësoret me Kosovën U-19. Futbollisti i Tiranës është pëlqyer nga stafi teknik i kuqezinjve dhe tashmë është gati për të dhënë kontributin e tij me këtë përfaqësuese. Është klubi bardheblu që përmes një njoftimi në kanalin zyrtar bën me dije:
“Lojtari bardheblu Ermal Meta është grumbulluar nga Kombëtarja U-19. Kampioni do të japë kontributin e tij për fanelën kuqezi”.
Kujtojmë që Meta ishte pjesë e ekipit të parë të Tiranës në ndeshjen e Kupës së Shqipërisë ndaj Egnatias. Në ato pak minuta që zbriti në fushë, qendërmbrojtësi shkëlqeu. Është vetëm 17 vjeç dhe premton shumë për të ardhmen.
