Edon Hasani dhe Edmir Sali janë dy afrimet e para të Kastriotit për sezonin e ri futbollistik. Pas shumë largimeve, duket se ka nisur puna në klubin krutan. Lajmi bëhet me dije përmes një njoftimi në kanalin zyrtar ku thuhej se përgatitjet do të nisin në datën 19 korrik.
Me dy lojtarët e sipërpërmendur është arritur akordi, ndësa në ditët në vazhdim do të prezantohen në zyrat e klubit. Përmes një lajmërimi në faqen zyrtare thuhej:
“Kastrioti nis nga puna për ndërtimin e skuadrës për sezonin e ri
Në vazhdën e përgatitjeve të cilat janë planifikuar për të nisur me 19 Korrik, Kastrioti deri më tani ka arritur akord me mesfushorin Edon Hasani dhe portierin Edmir Sali.
Ditët në vijim të dy lojtarët do të prezantohen zyrtarisht në zyrat e klubit dhe së bashku me ta, të tjera afrime pritet që të zyrtarizohen gradualisht. KS Kastrioti po punon intensivisht për të ndërtuar një skuadër të denjë për sezonin e ri futbollistik”.
Kujtojmë që Edon Hasani ishte pjesë e Partizanit në edicionin që lamë pas. Shkodrani nuk arriti të tregonte më të mirën e tij për shkak të një dëmtimi në gju që e mbajti shumë muaj jashtë fushave. Ndërsa Sali është një emër i njohur që ka provuar elitën gjatë kohës kur ishte pjesë e Flamurtarit të Vlorës.
Loading ...
