Situata te skuadra e Kukësit, s'është aspak pozitive. Pas Edis Maliqit, edhe dy lojtarë kanë kërkuar të largohen. Bëhet fjalë për Erhun Obanor si dhe Bruno Lulaj. Të dy qendërmbrojtësit duan të vijojnë karrierën në një skuadër tjetër. Madje mësohet se shtatlarti afrikan ka kërkuar edhe lejekalimin në Federatën Shqiptare të Futbollit.
Një lajm që padyshim ndryshon tërësisht planet e trajnerit Skënder Gega që në fazën difensive mbetet tërësisht i zbuluar. Nëse Maliqi dhe Obanor nuk kanë dëshirë të vijojnë të kontribuojnë më për verilindorët, Lulaj do të provojë aftësitë e tij në një ekip jashtë vendit tonë. Pritet të shihet se çfarë do të ndodhë te Kukësi, teksa duhet theksuar se 3 lojtarët e sipërpërmendur kanë qenë titullarë me nënkampionët e Shqipërisë.
Lexo gjithashtu
