Edi Reja vijon “martesën” me kombëtaren shqiptare. Trajneri i kuqezinjve ka rinovuar për katër vitet e ardhshme duke u bërë në këtë mënyrë “timonieri” me moshën më të madhe në qarkullim.
Edhe pse Federata Shqiptare e Futbollit s’e ka bërë zyrtare diçka të tillë, është 74-vjeçari që në një prononcim për mediet është shprehur i lumtur për marrëveshjen e re. Konfirmimi në krye të pankinës është një sfidë e bukur për të, ku sigurisht e pret para një projekt i madh.
“Është një sfidë e bukur, një projekt i fortë. Rinovimi më jep një entuziazëm më tqë madh. Do të kem mbështetjen e të gjithëve. Do të jem trajneri më i vjetër në qarkullim. Më bëhet qejfi”, ka deklaruar ai.
Italian ka nënshkruar për katër vitet e ardhshme, kontratë nga e cila do të përfitojë rreth 1.2 milionë euro.
