Partizani ka marrë një lajm të keq nga UEFA teksa stadiumi i tyre “Arena e Demave” nuk është certifikuar për garat europiane. Të kuqtë prej muajsh kanë nisur punën për licensimin e impianit pë të cilin shpenzuar miliona euro por për fatin e tyre të keq pa ia dalë të marrin dritën e gjelbër.
Problemi kryesor dhe ajo që u mohon “Demave” të luajnë në shtëpinë e tyre është rruga që të çon te kompleksi. Ende nuk ka një rrugë të re brenda standarteve e cila është premtuar nga kryebashkiaku Erion Veliaj por ky investim kërkon proceduar të cilat marrin kohën e tyre.
Koha nuk premton asgjë, ashtu siç nuk premton as për ekipin që ende s’ka asnjë lëvizje në merkato, mbi të gjitha edhe pa trajner e drejtor. Kjo javë pritet të jetë më intensivia e viteve të fundit teksa gjithçka do të fillojë me emërimin e trajnerit dhe drejtorit të ri e më pas afrimet e reja në skuadër.
Lexo gjithashtu
