Ndeshja- Një ndeshje e dyluftuar në mesin e fushës. Kur dukej që gjithçka po shkonte drejt barazimit, është italiani Eder, që kalon “Axurrët” në avantazh duke vendosur fatin e takimit dhe duke kualifikuar për më tej përfaqësuesen e tij.
Itali-Suedi 1-0
Shënues: Eder 88′
Formacionet
Italia: Buffon, Chiellini, Candreva, Florenzi, Pellè, Barzagli, De Rossi, Éder, Parolo, Bonucci, Giaccherini Trajner: Antonio Conte
Skema: 3-5-2
Suedia: E. Johansson, Granqvist, M. Olsson, Forsberg, S. Larsson, Ekdal, Källström, Ibrahimović, Lindelöf, Guidetti Trajner: Erik Hamrén
Skema: 4-4-2
Gjyqtarët: Viktor Kassai, György Ring, Vencel Tóth
Stadiumi: Stadium de Touluse
Pjesa e parë- Loja nis e qetë nga të dyja skuadrat, të çilat mundohen më shumë të mbrohen, se sa të sulmojnë. Në këtë mënyrë studiohet loja e njëri-tjetrit. Në minutën e 5′ Lo
rençi ka një rast përpara portës, por gjuajta e tij është e dobët dhe pritet nga gardiani suedez Isakson. Suedezët mundohen të bëjnë presion në zonën italiane. Suedezët pretendojnë një 11-metërsh në minutën e 14, por Ibrahimoviçç shkakton një faull sipas gjyqtarit kryesor. Italianët kundërpërgjigjen me Çandrevan në minutën e 20′, që kroson nga e majta, por nuk shfrytëzohet nga sulmi italian. Ndeshja luhet fort, por në mesfushë. Italianët mundohen të dalin nga gjysmëfusha e tyre, por duke mos arritur të konkretizojnë dot aksionet. Pjesa e parë e ndeshjes duket që po shkon drejt barazimit. Minuta e 39′, Guideti provon nga distanca, por gjuajtja e tij përfundon jashtë. Suedezët janë pranë golit me Ibrahimovic, pas një rrëmuje në zonë, por shtatlarti nuk arrin të përfitojë si duhet. Pjesa e mbetur e lojës nuk shënon asgjë.
Pjesa e dytë– Italianët e nisin vrullshëm pjesën e dytë, ku fitojnë këndore në minutën e 49′. Por topi i harkuar në zonë, nuk shfrytëzohet si duhet nga Eder. Suedezët
mundohen të reagojnë, por saktësia e tyre lë për të dëshiruar. Përsëri italianët tentojnë nga krahët, por pamundur të depërtojnë në zonën e Suedisë. Duket një ndeshje e lodhshme për të dyja skuadrat, ndoshta fakti që të dyja luajnë në këto temperatura të larta. Parolo në minutën e 59′ ka një rast të artë për të shënuar, por ai vonohet në goditje, duke e nxjerrë topin jashtë. Ndeshja është e dyluftuar. Skuadrat duken që nuk duan të humbasin së paku shansin e një pikë, duke u mbrojtur mirë. Ibrahimoviç humb një rast të artë në minutën e 72′, ku afër vijës së portës e dërgon topin jashtë. Por goli do të ishte anulluar nëse do të shënohej, pasi suedezi ishte në pozicion jashtë loje sipas vijërojtësit. Minuta e 82′ dhe Parolo humbet një rast për italianët që mund të kishin kaluar në avantazh pas një krosi nga Xhakerini, por sfera përfundon në traversë. Italia në minutën e 88′ kalon në avantazh me Eder’ duke mposhtur portierin Isakson. Arbitri akordon tre minuta shtesë, por që nuk shënojnë asgjë.
