Ka mjaftuar seanca e djeshme stërvitore që sulmuesi i sapoardhur i Tiranës të përfundojë në infermieri. Bëhet fjalë për Ismael Dungën, lojtari afrikan që u prezantua dje në klubin kryeqytetas. Shtatlarti ka pësuar një tërheqje në kofshë. Burime për newsport.al bëjnë me dije që 26-vjeçari ka “ropture” të gradës së parë dhe do t’i duhet një javë kohë rikuperimi që të zbresë sërish në fushë.
Duket se fati s’është në anën e tij. Sapo ka prekur tapetin jeshil me fanelën bardheblu, Dunga është i detyruar t’i shohë nga jashtë disa seanca stërvitore. Kujtojmë që sezonin e fundit ai ishte pjesë e Luftëtarit, skuadër me të cilën arriti të shënonte 10 gola në kampionat dhe kupë. Si rrallëherë, lojtari i projektuar për të udhëhequr sulmin në edicionin e ri, dëmtohet pa e nisur mirë.
Loading ...
