Eraldo Çinari është lojtari më i ri i Partizanit. Mund të tingëllojë e pabesueshme, por shkodrani që u zyrtarizua muaj më parë te Alaves në Spanjë e më pas si huazim te Istria në Kroaci, tashmë do të vesh fanelën e kuqe.
Mësohet se ish-lojtari i Vllaznisë ndodhet në këto momente në zyrat e klubit të Partizanit në Tiranë, për të firmosur kontratën që do ta mbajë mesa duket në Shqipëri. Lojtari dhe Vllaznia u futën në një konflikt të hapur për mënyrën e transferimit të tij te Alaves, ku madje në skandal u përfshinë dhe spanjollët me akuza për falsifikim dhe mashtrim.
Nuk dihet nëse ekipi spanjoll është në dijeni për këtë transferim apo nëse Alaves është tërhequr përfundimisht nga 21-vjeçari, duke e lënë atë sërish si pjesë të Vllaznisë që më pas ka vendosur ta shesë te Partizani.
Loading ...
