Teuta u mund 2-4 nga Laçi, në takimin e javës së 17-të të Kategorisë Superiore. Pas 90 minutëshit për mikrofonat e Supersport foli trajneri i durrsakëve, Edi Martini. Martini u shpreh disi i pakënaqur për mënyrën sesi luajtën djemtë, por në fund tha se pavarësisht momentit të keq që po kalon, ka besim te ekipi.
“Bëmë një pjesë të parë shumë të mirë. Është e pafalshme të pësosh nga një goditje dënimi. Është po aq e pafalshme të pësosh edhe në një kundërsulm. Ndikon edhe ngarkesa psikologjike dhe këtë nuk e dyshoj fare. U munduam të ktheheshim në lojë por nuk ia dolëm. Në fund të fundit ky është futbolli.
Mungesat bëjnë punën e tyre. Edhe Ivanoviç edhe Jackson janë lojtarë shumë të mirë.Nuk mund të them se mbrojtja luajti keq. Ata dhanë maksimumin. Kështu është futbolli.
Në momentet që po kalojmë duhe tt’i jap zemër lojtarëve dhe vetes. Ne jemi pjesë të nëj grupi. Ne kur fitojmë, fitojmë të gjithë. Ne kur humbasim, humbasim të gjithë.
Nuk e kisha menduar këtë rënditje. Sezoni i tillë është. Ka pasur ndeshje që kemi luajtur mirë dhe ka qënë fati kundër nesh. Ekipi ka forcën dhe cilësitë për t’u ngjitur prap në tabelë. Kam besim se do ecim mirë përpara” tha ai. Teuta renditet e gjashta.