Xhuliano Skuka zhvilloi ditën e djeshme ndeshje e fundit me Partizanin, me sulmuesin dibran që është gati për hapin e madh në karrierë, pasi do të transferohet te skuadra e Metz.
Siç kishte njoftuar pak ditë më parë “Newsport”, 24-vjeçari ka arritur marrëveshjen me skuadrën franceze, teksa tashmë ka udhëtuar drejt Francës për të kryer edhe vizitat mjekësore, ku më pas do të firmosë kontratën me ekipin e ri.
Zyrtarizimi i Skukës tanimë mbetet çështje orësh, ndërsa kujtojmë se me fanelën e Partizanit ka arritur të shënojë 10 gola në 16 ndeshje të luajtura këtë sezon. Vlera e 24 vjeçarit është 500 mijë euro sipas “Transfermarkt”. Megjithatë te Partizani kanë kërkuar dyfishin për të lënë të lirë lojtarin. detajet e kontratës akoma nuk janë bërë të ditura, por demat sigurisht kanë mbushur arkat nga shitja e "xhevahirit" të tyre, por nga ana tjetër dibrani lë një boshllëk në sulmin e të kuqve.
Kujtojmë se Mets militon në kategorinë e dytë franceze ku ka grumbulluar 31 pikë, 2 më pask se vendi i parë, ndërsa synimi kryesore i tyre është ngjitja në Ligue 1 për sezonin e ardhshëm.
Lexo gjithashtu
