Jetmir Krasniqi është pranë kalimit te skuadra e Partizanit. Ashtu sikurse newsport.al (KLIKO KËTU) kishte njoftuar ditë më parë, mbrojtësi i Luganos është pranë transferimit tek të kuqtë.
Bisedimet kanë avancuar dhe tashmë gjithçka mund të konsiderohet e mbyllur. Palët kanë rënë parimisht dakord dhe për sa i përket termave financiarë.
24-vjeçari do të mbërrijë në kryeqytet për të hedhur të “zezën mbi të bardhë”, për t’u bërë “De Juro” lojtar i 15-herë kampionëve të Shqipërisë. Kujtojmë që për këtë futbollist ndërhyri edhe Arbnor Fejzullahi, i cili ndihmoi drejtuesit e kuq në tratativat me mbrojtësin e djathtë.
Krasniqi nuk është aktivizuar në asnjë ndeshje në këtë sezon me Luganon dhe kësisoj mungesat e minutave kanë ndikuar në ndërrimin e destinacionit. /Newsport.al./
Loading ...
