E KRYER/ Mbërrin në Itali të martë, INTER firmos me talentin shqiptar

Inter ka gati transferimin e Kevin Zefit, talentit shqiptar me origjinë nga Shkodra. 16 vjeçari ka shkëlqyer me moshat e Shamrock Rovers në Irlandë dhe sipas Time, të martë mbërrin në Milano për të firmosur një kontratë me skuadrën e të rinjve të Inter.

Si një ndër talentet premtues në Europë, Zefi është pikasur nga kampionët e Italisë që i kanë ofruar një kontratë me ekipin e moshave. Pas ekzaminimeve mjekësore, djaloshi që ka bërë mirë me Shamrock do kërkojë një tjetër nivel. I kontaktuar nga The Times, Zefi u shpreh:”Mezi pres që të filloj”, duke konfirmuar marrëveshjen. Duket se FSHF po punon të veshë talentin me fanellën kuqezi.