Transferimi i Xhuliano Skukës në Francë bëri bujë të madhe jo vetëm në vendin tonë, por edhe në kampionatin francez. Për ish lojtarin e Partizanit ka folur drejtori sportiv i Metz-it, Pierre Dreossi.
Ky i fundit ka deklaruar për “Mossel TV” se dibrani nuk është ende gati për kampionatin francez. Diferencat me kampionatin shqiptar janë të mëdha dhe për këtë Skukës i duhet të punojë maksimalisht.
“Kemi kërkuar, kemi kërkuar një sulmues dhe nuk është e lehtë në dimër, një sulmues që mund të forcojë ekipin tonë. Ai është një lojtar që nuk është ende gati të luajë në Francë, këtë duhet ta dini dhe ne e dinim. Tani shpresojmë se nuk do të zgjasë shumë për t’u përgatitur.
Është një lloj basti për të ardhmen. Nuk do të jetë për një vit apo dy vjet, mund të jetë javën e ardhshme, por ai do të duhet të përshtatet me futbollin francez, i cili është larg futbollit shqiptar, por ai ka grintë dhe kjo do t’i lehtësojë përshtatjen“, është shprehur Dreossi.
Lexo gjithashtu
