Nëse do realizohet do të ishte padiskutim një nga goditjet më të bujshme të kësaj merkatoje në Shqipëri. Bëhet fjalë për ish-lojtarin e Partizanit, Mentor Mazrekaj i cili raportohet se është pranë një akordi me Kukësin.
Lajmi është publikuar nga e përditshmja kosovare “Gazeta Sheshi”, e cila raporton se mesfushori është kontaktuar nga verilindorët dhe ka pranuar ofertën e tyre. Me gjasë këtu ka gisht dhe drejtori Nexhipi, ish-shok skuadre me Mazrekajn te Partizani, në një dyshe të lavdishme që do mbahet mend gjatë nga tifozeria e kuqe. 29-vjeçari së fundmi ka qenë pjesë e Prishtinës në Kampionatin kosovar, por kohët e fundit nuk ka luajtur asnjë ndeshje për shkak të një dëmtimi.
Loading ...
