Partizani ditën e nesërme do të luajë ndeshjen e parë të sezonit të ri në Korçë ndaj Skënderbeut. Megjithatë të kuqtë kanë marrë në skuadër një lojtar të Koresë së Veriut, i cili ka luajtur 28 ndeshje me Kombëtarin e tij. Hyon-Uk So është emri i futbollistit, i cili është në provë te të kuqtë për momentin dhe gjithçka është në dorën e trajnerit Skënder Gega nëse do e pranojë në skuadër apo jo mbrojtësin e majtë.
Problemi i vetëm i kësaj marrëveshjeje mund të jetë komunikimi, pasi lojtari është aktivizuar edhe në kampionatin boshnjak për një vit e gjysmë dhe sipas asaj që transmetojnë mediat atje, koreani ka një problem me gjuhën, pasi e ka shumë të vështirë të komunikojë me pjesën tjetër të ekipit. Mbetet për t'u parë nëse Partizani do e marrë në radhët e veta këtë lojtar.
Lexo gjithashtu
