Christopher Galtier duket se i ka ndeshjet e numëruara në Paris, pasi rezultatet e fundit të siguruara nga kampionët e Ligue 1 lënë shumë për të dëshiruar. Më shumë në kampin e francezve dhemb humbja me Bayern në Champions, gjë që komplikon rrugën për kualifikimin në fazën tjetër.
Një tjetër humbje që do të sillte dhe eliminimin nga ky kompeticion do të shkaktonte një “tërmet” në ambientin parizien. Gjithçka mund të nis nga Galtier.
Sipas “The Sun” dhe “The Scottish Daily Express” një nga kandidatët për të marrë drejtimin e PSG-së është edhe ish-trajneri i Aston Villës, Steven Gerrard.
Sipas mediave në fjalë, ish-legjenda e Liverpool shikohet si i duhuri për të marrë frenat e ekipit francez dhe për të përmirësuar klubin në sezonet e adhshme. Mbetet të shihet se cila do të jenë zhvillimet rreth kësaj piste.
Gjithashtu përflitet edhe për Zinedine Zidane dhe Thomas Tuchel.
Lexo gjithashtu
