Shqipërisë mund t’i bashkohet në të ardhmen një lojtar mjaft premtues. Bëhet fjalë për mesfushorin shqiptar të Bayern Munich Meritan Shabani, që luan për 20-vjeçarët e Gjermanisë.
Lajmin për afrimin e tij te Shqipëria e ka dhënë tekniku i Shqipërisë U21, Alban Bushi në konferencën e sotme për shtyp për takimin e radhës me Spanjën e vlefshme për kualifikueset e “EURO 2019”.
“Di që janë bërë përpjekje nga drejtuesit e Federatës për Shabanin, është afër Kombëtares A, kaq di. Mund të ndodhë gjithçka, pasi ka patur shumë lojtarë që kanë qenë afër dhe janë larguar, kemi patur shumë raste të tilla”, u shpreh Bushi.
19-vjeçari zhvilloi parasezonin me ekipin e parë të Bayern Munich dhe tani është kthyer me skuadrën e dytë bavareze, ku po kalon një formë të mirë; 3 gola në 5 ndeshje.
Loading ...
