E BUJSHME/ Kukësi mendon për Champions League, në merkato për tre super lojtarë të huaj

Kukësi mendon për merkaton e verës. Kampionët e Superligës do të hidhen fuqishëm në merkato për të afruar futbollistë të kualitetit të lartë për të përballuar edhe ndeshjet eliminatore të Champions League.

Burime të sigurta pranë klubit të Kukësit konfirmojnë për newsport.al se janë piketuar tre lojtarë, të cilët janë të huaj të cilët mund të bëhen pjesë e skuadrës duke nisur nga 1 qershori.

Bëhet fjalë për lojtarë me shumë kualitet dhe që do të kërkojnë një sakrificë të lartë financiare nga ana e presidencës së klubit verilindor. Por, një gjë e tillë nuk do të jetë problem për Kukësin, pasi kërkohet vazhdimësi në raundet eliminatore të Champions League.

Identietet e lojtarëve që kërkon Kukësi nuk bëhen ende të ditur, por ajo që ka rëndësi është fakti se tifozët kuksianë duhet të nisin “të fërkojnë duart”, sepse te kampionët pritet të afrohen tre super lojtarë./ NEWSPORT.AL/