Sot, Partizani do të luajë kundër Skënderbeut, ndeshje e vlefshme për javën e 12-të të Superiores. Ky takim do të zhvillohet në stadiumin "Selman Stërmasi, impiant që mori jetë nga presidenti Refik Halili dy vite më parë. Kreu i klubit bardheblu restauroi stadiumin që ishte kthyer në një gërmadhe duke e bërë të denjë për Superioren. Si sot 2 vite më parë shtëpia bardheblu u inagurua dhe në 30 nëntor të 2015-tës skuadra e Tiranës priti Skënderbeun.
Si për rastësi apo ironi të fatit, sot Partizani luan përballë të njëjtit kundërshtar, pikërisht në një impiant që u kthye në "mollë sherri" mes dy tifozërive. Bardheblutë e kanë të pamundur të luajnë ndaj bardhekuqve pasi ndodhen një Kategori më poshtë. Ndërsa rivali i tyre i përjetshëm i luan sfidat si pritës në shtëpinë e tyre, duke synuar Europën apo edhe titullin kampion
Lexo gjithashtu
