17 shkurti është dita e Pavarësisë së Kosovës. Plot 15 vite shtet i pavarur dhe në këtë ditë të veçantë urimet nuk mungojnë.
Një i tillë ka ardhur edhe nga Presidenti i Federatës Shqiptare të Futbollit, Armand Duka. Nëpërmjet një postimi në rrjetet sociale kreu i FSHF-së ka theksuar se është e mahnitshme se si Kosova në këto 15 vite ka përparuar futbolli.
“Urime Kosovë në këtë përvjetor të 15-të të Pavarësisë! Sot është një ditë e shënuar për të gjithë shqiptarët kudo dhe kam nderin që në emër edhe të gjithë anëtarëve të komunitetit të futbollit shqiptar t’ju përcjell urimet më të ngrohta e vëllazërore!
Kur kthej kokën pas shoh me kënaqësi se si Kosova në këto 15 vite si shtet i pavarur e sovran ka bërë një përparim të madh në të gjithë fushat e veçanërisht në atë të futbollit, ku progresi ka qenë i jashtëzakonshëm. Të gëzosh Ditën e Pavarësisë Kosovë!”, ka shkruar Duka.
Lexo gjithashtu
