Tirana përpara ka dy ndeshje majft interesante dhe të vështira. Bardheblutë do të sfidojnë ditën e nesërme Teutën për llogaritë e gjysmëfinales së Kupës së Shqipërisë, ndërsa një javë më pas do të duelojnë me Partizanin.
Pikërisht për këto dy duele kryeqytetasit kanë nisur edhe stërvitjen, teksa ajo e djeshmja ka qenë më intensive. Trajneri Orges Shehi fillimisht ka mbledhur skuadrën ku kanë analizuar edhe gabimet e bëra me Teutën në sfidën e fundit në kampionat. Sipas shtypit të shkruar, timoneri durrsak bashke me drejtorin sportiv, Tefik Osmani u kanë bërë “zborin” lojtarëve për më shumë se 20 minuta.
Trajneri dhe drejtori sportiv kanë kërkuar nga skuadra që të mos përsërisin gabimet e bëra në “Niko Dovana”, ndërsa në ndeshjet e mbetura kërkohet përqendrim maksimal, pasi çdo pikë e humbur “dhemb” shumë.
Kujtojmë se Tirana praktikisht e ka mbyllur kualifikimin, pasi ka fituar gjysmëfinalen e parë me durrsakët me shifrat 3-0 në “Elbasan Arena”. Në sfidën e ditës së nesërme kryeqytetasit nuk pritet të lëshojnë këtë avanatazh.
Lexo gjithashtu
