Juventusi nesër do të përballet me Napolin në supersfidën e javës së 18-të të Serie A. Një duel “titanësh” pasi vendi i parë vihet përballë të dytit, ku vetëm 7 pikë i ndajnë.
Në prag të këtij takimi në konferencën për shtyp ka folur Missimiliano Allegri, i cili ka theksuar se sfida e nesërme është shumë e vështirë, por të tijtë do të bëjnë maksimumin për fitoren edhe pseskuadra e Spallettit mbetet favorite.
Gjendja e skuadrës? “Ekipi po ecën mjaft mirë. Kemi pasur tre ditë stërvitjem jemi në gjendje të mirë.”
Dëmtimet? “Kthimi duhet të jetë i afërt. Mendoj se me Atalantën dikush mund të jetë i disponueshëm. Cuadrado nga e marta në grup dhe ndoshta mund të kthehet në Monza. Djemtë janë më mirë dhe shpresoj t’i shoh së shpejti me kapacitet të plotë.”
Danilo? “Ai po ecën mirë siç po bëjnë të githë. Qëndrimi i tij ka ndryshuar dhe kjo është falë ekipit.”
Chiesa? “Ai është shumë më mirë dhe unë jam shumë i lumtur. Nëse do të isha i sigurt që edhe nesër ai mund të bënte diferencën, do ta lija të hynte në pjesën e dytë, por e di dhe formacionin do e bëj gati nesër.”
Objektivat? “Deri më sot kemi pasur rezultate të mira, por duhet të vazhdojm të mendojmë për të punuar, për të ecur në rrugën e rritjes dhe për të arritur objektivin final që janë rezultatet. Për momentin po mendojmë vetëm për katër vendet e para në tabelë.
Napoli? “Ne përballemi me një ekip të organizuar mirë, të stërvitur mirë. Në stadiumin e Napolit ndeshjet nuk mbarojnë kurrë dhe ne duhet të jemi gjithmonë të përqendruar gjatë 90 minutave. Duhet të luajmë një ndeshje me teknië dhe intensitet të lartë. Është një ndeshje e vështirë. Ne jemi duke luajtur në shtëpinë e ekipit më të mirë të italisë, e thotë rënditja. Ata janë favoritët, sipas rënditjes. Nuk është një ndeshje vendimtare, por shumë e rëndësishme për ta".
Lexo gjithashtu
