Laçi pret Teutën në shtëpi për të zhvilluar mes tyre edhe sfidën e javës së 19-të të Abissnet Superiore, me takimin që nis në orën 13:00. Për këtë duel Gentian Mezani do të vuajë sërish mungesën e Rudolf turkajt dhe Albi Allës të cilët vazhdojnë të jenë të dëmtuar, ndërsa edhe Guindo nuk është plotësisht gati.
Ndërkohë nga ana tjetër edhe Edi Martini do të duhet të luajë pa Emiliano Vilën, i cili akoma nuk e ka kaluar dëmtimin. Tekniku i durrsakëve do të luajë me të njëjtin formacion që zhvilloi ndeshjet e fundit dhe ku arritën edhe rezultate pozitive.
Formacionet zyrtare:
Laçi: Dajsinani, Duka, Roganoviç, Velkoski, Ziko, Ujka, Babatunde, Manellari, Mazrekaj, Adeleke, Shkurtaj. Trajner: Gentian Mezani
Teuta: Qirko, Kotobelli, Marku, Jazxhi, Qaqi, Kuro, Karabeci, Beqja, Kallaku, L.Vila. Gruda. Trajner: Edi Martini.
