Supergoli i shënuar sot nga mesfushori danez i Tottenhamit Christian Eriksen ka fituar vendin si njërin prej golave më të bukur të këtij kampionati botëror. Menjëherë pas përfundimit të takimit Danimarkë-Australi 1-1, në rrjetet sociale ka nisur debati se kush është lojtar më i mirë midis Eriksen dhe mesfushorit gjerman të Arsenalit Mesut Ozil.
Ky i fundit ka marrë pafund sulme dhe kritika për performancën dembele dhe të pamotivuar kundër Meksikës, kurse organizatori danez e ka lënë në hije turko-gjermanin me golin e sotëm. Në rrjetet sociale fansat kanë zgjedhur Eriksenin kundër Ozilit duke e quajtur këtë të fundit lojtar të mbivlerësuar. Ish-futbollisti i Ajaxit Erikssen ka zgjuar interesimin e klubeve gjigande si Real Madrid dhe Barcelona, por blerja e një futbollisti të kalibrit të tij nuk do të kushtojë pak.
Lexo gjithashtu
