Skuadrat e “Abissnet Superiore” do të kthehen shumë shpejt në fushën e lojës. Jasva e 11-të i lë menjëherë “stafetë” asaj të 12-tës dhe tashmë ekipet kanë nisur edhe përgatitjet për ndeshjet e ardhshme.
Java e 12-të do të luhet në 3 ditë dhe ekipet do të zbresin në fushë ditën e shtunë, të dielë dhe të hënë. Dueled he sfida interesante janë në program, të cilat do të “mbërthejnë” tifozët.
Gjithçka do të nisë me duelin mes Erzenit dhe Egnatias që do të luhet ditën e shtunë në “Arenën e Demave”. Ekipet do të përplasin mes tyre “brirët’ për 3 pikët e kësaj jave, me shijakasit që tentojnë të surprizojnë kryesuesit e kampionatit. Nga krhau tjetër rrogozhinasve nuk u lejohen hapa fals, pasi në të kundërt rrezikojnë të zbresin nga froni.
Ndërkohë të dielën do të luhen 3 takime. Fillimisht Kukësi – Dinamo në “Kukës Arena” duke nisur që nga ora 14:00. “Blutë” pas fitores së fundit do të tentojnë një tjetër 3 pikësh, ndërsa verilindorët pas humbjes mes shumë kontestimesh synojnë autokritikën përballë tifozëvë.
Në orën 17:00 do të luhen paralelisht dy sfida. Teuta – Laçi do të matin forcat në “Niko Dovana”, ndërsa Skënderbeu – Tirana do të duelojnë mes tyre në Korçë. Si durrsakët ashtu edhe kurbinasit do të tentojnë rikthimin te fitorja në kampionat pas rezultateve të javës së fundit. Gjithashtu bardheblutë e Julian Ahmatajt kërkojnë vazhdimësinë, ndërsa korçarët kanë detyrim vetëm 3 pikët.
Sfida e fundit e kësaj jave do të luhet ditën e hënë në orën 18:00. Në “Arenën e Demave” do të përplasin “brirët” Partizani dhe Vllaznia. Demat janë skuadra e momentit në kampionat, pasi kanë arritur 5 fitore rresht dhe në shtëpinë e tyre tentojnë një tjetër 3 pikësh. Ndërkohë shkodranët pas barazimit me Erzenin do të udhëtojnë në kryeqytet vetëm për 3 pikët, pasi në të kundërt do të rrezikojnë shumë në klasifikim.
[caption id="attachment_711244" align="alignnone" width="643"]
java e 12-te e Superiores[/caption]
Lexo gjithashtu
