Flamurtari do të presë Dinamon në kuadër të javës së 20-të të Kategorisë së Parë. Sfidë kjo që do të luhet ditën e hënë duke nisur që nga ora 17:00. Vlonatët dhe kryeqytetasit vetëm një pikë i ndan në klasifikim dhe përballja mes tyre do të jetë një duel direkt për ngjitjen në Superiore.
Në fakt pa frikë mund të quhet një sfidë trofesh në Vlorë, pasi ditën e hënë në fushën e lojës do të zbresin skuadra që prej vitesh i kanë dhënë “shkëlqim” futbollit shqiptar, por fatkeqësisht tashmë ata militojnë në Kategorinë e Parë.
Plot 40 trofe kanë fituar të dyja ekipet sëbashku. Padiskutim që Blutë e kryeqytetit kryesojnë me 18 tituj, 13 Kupa Shqipërie dhe 2 Superkupa, ndërsa vlonjatët kanë arritur të fitorjnë 1 titull kampion, 4 Kupa Shqipërie dhe 2 Superkupa.
