Coronavirusi ka paralizuar gjithë botën, ndërsa numri i të infektuarve me këtë virus ka shkuar mbi 1 milion. Së fundmi ështe prekur nga “COVID 19” edhe Luis Manuel Blanco, i cili gjendet në terapi intensive.
Ish-trajneri i Dinamos është në gjendje të stabilizuar ndërsa për mediet argjentinase është shprehur se do ta kalojë dhe këtë sprovë. I bindur se do t’ia dalë, Blanco ka thënë: “Tani për tani gjendem në spital. Kam rezultuar pozitiv me Coronavirus dhe po luftoj për ta mposhtur. Me siguri do t’ia dal”, ka përfunduar ai.
Kujtojmë që 66-vjeçari ishte në krye të pankinës dinamovite në sezonin 2010-2011. I emëruar në merkaton e verës së atij viti, Blanco qëndroi deri në përfundim të gjysmës së parë të edicionit si trajner i Dinamos. Në 16 javë, arriti të koleksiononte 7 fitore, 4 barazime dhe 5 humbje.
Lexo gjithashtu
