Trajneri i Kukësit Armando Cungu ka folur ditën e sotme përpara mediave në prag të ndeshjes së nesërme kundër Flamurtarit në Vlorë. Tekniku i verilindorëve ka komentuar jo vetëm sfidën me kuqezinjtë por edhe situatën më të fundit në ekipin e tij lidhur me lojtarin Donjet Shkodra që është përfolur për një largim të mundshëm.
“Me ndryshimin e formacionit që është bërë tek Kukësi, shpresojmë që në ndeshjen e neserme të shohim një Kukës me ritem tjetër. Flamurtarin s’mund të themi që e njohim mirë pasi ka ndryshuar pothuajse rrënjësisht. Sigurisht duke parë ekipin mund të them që ka një kontigjent me kualitet të lartë dhe nuk është i lehtë, megjithatë edhe Kukësi ka emrin, ambicien dhe kualitetin e vet prandaj nuk i druhemi. Përsa i përket futbollistit, Donjet Shkodra, është pjesë i Kukësit dhe do vazhdojë të jetë i tillë” u shpreh trajneri Armando Cungu.
Ndërkohë i pyetur për largimin e Albi Allës, Cungu u shpreh se lojtari u largua me dëshirën e tij dhe se klubi i ofroi atij vazhdimin e bashkëpunimit. “Isha i pranishëm gjatë negociatave. Allës iu ofrua zgjatja e bashkëpunimit por mesa duket ai vendosi të largohej. Nuk na mbetet gjë tjetër veçse ti urojmë suksese aty ku ka shkuar”, e mbylli fjalën e tij kreu i stolit të Kukësit.
Loading ...
