Kroacia do të luajë nesër kundër Brazilit, ndeshje e vlefshme për çerekfinalet e Kupës së Botës. Para kësaj sfide interesante ka dalë në konferencën e zakonshme për shtyp, Zlatko Daliç.
Trajneri i përfaqësueses kroate vlerëson maksimalisht kundërshtarin, megjithatë premton se do të bëjë surpriza. Në fjalën e tij para gazetarëve, Daliç ka thënë:
“Brazili është favorit. Ata kanë vetëbesim, entuziazëm, lojtarë cilësorë dhe gjithashtu kanë rikthyer Neymar.Në çdo rast ne mund t’u bëjmë atyre një ndeshje të vështirë.
Unë nuk mendoj se presioni i vazhdueshëm ndaj tyre është shumë i zgjuar, por as nuk duhet t’u japim atyre shumë hapësirë. Ne do të përpiqemi t’i kontrollojmë me mençuri. Shanset nuk janë saktësisht 50%, por ne nuk arritëm në këtë pikë të turneut pa e merituar”.
Ndeshja Kroaci – Brazil do të luhet nesër në orën 16:00 dhe pritet me mjaft interes nga gjithë sportdashësit anë e mbanë botës.
Lexo gjithashtu
