Presidenti i Federatës Shqiptare të Futbollit, Armand Duka i ftuar në emsionin “JAVA” në RTSH foli gjatë mbi ecurinë e Kombëtares dhe të ardhmen e saj, por u ndal gjithashtu edhe tek Superioria, ku tregoi dhe risitë që priten të vinë në të ardhmen.
Në fjalën e tij presidenti Duka u shpreh se pas stadiumit “Air Albania”, inagurimi më i afërt i një stadiumi tjetër do të jetë ai i Kukësit. Në këtë mënyrë bëhen 4 “shtëpi” futbolli me standarte europiane në Shqipëri. Në vijim Duka foli për sistemin VAR dhe mundësinë e futjes së tij në Shqipëri, ndërsa tregoi dhe njëherë se largimi i tij nga FSHF nuk ka për të ndodhur deri në fund të mandatit.
VAR:
“Në edicionin 2021-2022 do të kemi vendosjen e VAR në Shqipëri. Pas një sezoni tjetër pasi 1 vit na duhet me pregatitjen e njerëzve dhe më pas do të jetë gati”, tha Armand Duka.
UEFA ka vendosur që mandati i një presidenti nuk duhet të jetë më shumë se tre herë. Ju po hyni në vitin e 17-të në krye të FSHF-së. Çfarë do këshille do t’i jepnit rivalit tuaj në të ardhmen?
“Është ende herët për të folur mbi largimin nga posti i FSHF-së. Kam ende gjëra për të bërë deri në fund të mandatit. Këshilla që do i jepja një rivali të Dukës, do të ishte që t’i mbushte mendjen të ikte”, u shpreh Armand Duka.