Edhe pse u cilësuar si një nga afrimet më të bujshme të kësaj merkatoje, diçka nuk ka shkuar mirë. Mes Flamurtarit dhe mesfushorit Argjend Gafuri duket se do të ndodhë një "divorc" i parakohshëm dhe këtë herë kërkesa është bërë nga vetë futbollisti.
Pas nënshkrimit të kontratës me vlonjatët, Gafuri duket se nuk e ka përballuar dot largësinë nga familja dhe ka bërë kërkesë pranë klubit për të marrë lejën dhe për tu larguar në drejtim të familjes.
Kontrata e sapo firmosur e mesfushorit ndodhet në zyrëne administratorit Sinan Idrizi, i cili pritet të japë dhe verdiktin e fundit. Nuk dihet nëse vendimi që është marrë nga 28-vjeçari do të respektohet apo jo, por në këtë rast vlonjatët e kanë të kotë të kundërshtojnë pasi kërkesa e mesfushorit për tu larguar ende pa nisur mirë, ka qenë miqësore duke kërkuar mirëkuptimin e klubit.
Lexo gjithashtu
