Futbolli në Kosovë, ashtu si në të gjithë botën është ndalur për shkak të pandemisë së Covid-19. Ditën e sotme do të ketë një takim të rëndësishëm mes Federatës kosovare të futbollit dhe Ministrisë së Shëndetësisë për të vendosur fatet e sezonit.
Futbolli nuk mund të rikthet para datës 1 qershor pasi ky është vendimi që Qeveria kosovare ka marrë për parandalimin e Covid-19.
FFK-ja ka kërkuar që të lejohen stërvitjet individuale, por një gjë e tillë nuk është miratuar nga Ministria e Shëndetësisë që e shikon ende me rrezik.
Duke parë lehtësimin e masave, sot do të ketë një takim mes drejtuesve të Federatës dhe Ministritit Arben Vitia për vendosur nëse kampionati do të rinisi sërish apo do të mbyllet përfundimisht. Kërkesa për rifillimin e kampionatit në Kosovë është data 5 qershor pasi kjo është data e përshtatshme për të filluar futbollin në mënyrë që të mbyllet në 20 korrik.
