Klubi i Tiranës pritet të jetë subjekt i Komisionit të Disiplinës pas ndeshjes së bardhebluve kundër Luftëtarit që u mbyll me rezultatin 1-1. Ajo sfidë pati shumë kontestime, ku munguan as shishet e hedhura të tifozëve në drejtim të gjyqtarit anësor. Kësisoj, 24-herë kampionët e vendit po presin vendimin e organit të drejtësisë sportive.
Sikurse klubi bardheblu të gjithë janë të interesuar për të mësuar nëse do të ketë një dënim që mund të penalizojë mbëshetësit në shkallët e stadiumit.
Për analogji, disa sezone më parë, Disiplina mbylli dyert e stadiumit “Qemal Stafa” në derbi për shkak sjelljes së gabuar të tifozëve. Kujtojmë që ky organ mblidhet çdo mes jave dhe vendimet zakonisht dalin disa ditë para sfidave të fundjavës.